Konte Miami-Dade deplwaye premye sekouris pandan Siklòn Milton ap frape Florid

Pandan ke siklòn Milton fè tè tou pre Siesta Key mèkredi 9 oktòb antanke yon tanpèt kategori 3, Konte Miami-Dade rete anba yon avètisman tanpèt twopikal. Avèk van ki depase 100 mil a lè, gwo lapli ak plizyè tònad ke yo rapòte atravè Florid, premye sekouris ki soti nan Florida Task Force One (FL-TF1) sèvis Rechèch ak Sekou Iben (US&R) Depatman Sekou Ensandi Miami-Dade (MDFR), ak Depatman Lapolis Miami-Dade te deplwaye byen bonè maten an pou sipòte efò sekou nan tout Eta a, tankou operasyon rechèch ak sovtaj , ak evalyasyon enfrastrikti. B-roll ak foto disponib anba a.

Majistra Miami-Dade la, Daniella Levine Cava te deklare: “Miami-Dade pa etranje a devastasyon yon siklòn ki pisan ka pote. Nan moman sa yo, sa raple non ke nou pa janm poukont nou fas a defi sa yo. Menm jan vwazen nou yo ta kanpe bò kote nou, nou ap kanpe tou pou Floridyen parèy nou yo. Mwen reyòlman fyè de gason ak fanm vanyan ki ap travay san rete pou bay soulajman esansyèl nan kominote ki pi afekte yo. Kouraj yo se yon reflè pisans sèvis, fòs ak rezilyans Konte nou an.” 

Chèf Sekirite Piblik Konte Miami-Dade la, James Reyes te deklare: “Yon ti tan apre siklòn Milton te fè tè yè swa, Florida Task Force 1 te deplwaye pou ede nan efò enpòtan sekou ak rekiperasyon. Ekip ki gen bonjan fòmasyon nan Depatman Ponpye Miami Dade la pare pou reponn nenpòt kote yo pi bezwen. Nou fyè de devouman yo anvè sekirite piblik, ki reprezante meyè konpetans nan Miami-Dade.”

Rezidan yo dwe kontinye suiv medya lokal yo ak platfòm medya sosyal verifye yo pandan Konte a ap pataje mizajou enpòtan semèn lan.

Enskri pou w resevwa alèt dijans gratis pa mwayen Miami-Dade Alerts nan miamidade.gov/emergency, vizite miamidade.gov/milton oswa telechaje aplikasyon Ready MDC a.

B-roll ak foto: https://www.dropbox.com/scl/fo/dzkpeodkb9awb2u9o7s8m/ADQmLtN_veVGOr0MoJdk4IM?rlkey=lkmv1nvxp57n7rnk1wtr52ayb&e=1&st=cvgemz37&dl=0